ජාතික රූපවාහිනී සංස්ථාවේ නව සභාපති ධූරයට සරත් කෝන්ගහගේ මහතා පත් කිරීමට ජනමාධ්‍ය ඇමැති මහින්ද රාජපක්ෂ මහතා තීරණය කර ඇත. නව සභාපතිවරයා ලෙස සරත් කෝන්ගහගේ මහතා හෙට (06) නව සභාපතිවරයා ලෙස වැඩභාරගැනීමට නියමිතය.
පසුගිය ජනාධිපතිවරණයේදි ජනාධිපති අපේක්ෂකයෙකු ලෙස ඉදිරිපත් වූ සරත් කෝන්ගහගේ මහතා නාම යෝජනා භාරදීමේදී විපක්ෂයේ පොදු අපේක්ෂකයා ලෙස ඉදිරිපත් වූ ජනරාල් සරත් ෆොන්සේකා මහතාට විරෝධය පළ කළේය. ඒ ජනරාල් සරත් ෆොන්සේකා මහතා ඇමරිකානු පුරවැසියෙකු බවට චෝදනා කරමිනි. නමුත් මැතිවරණ කොමසාරිස්වරයා විසින් එම විරෝධය ප්‍රතික්ෂේප කළ අතර, ජනරාල් සරත් ෆොන්සේකා මහතා ජනාධිපති අපේක්ෂකයා ලෙ පිළිගත්තේය.
මෙයින් නොනැවතුණු සරත් කෝන්ගහගේ මහතා "මම සරත් වෙමි" යනුවෙන් විපක්ෂයේ පොදු අපේක්ෂකයාට අපහාස වන අන්දමේ විවිධ දැන්වීම් පළ කළ අතර, මෙයින් ඔහු සිය ජනාධිපතිවරණ ප්‍රචාරයක් සිදු නොකළ අතර, දිගින් දිගටම ජනරාල් සරත් ෆොන්සේකා මහතාට අපහාස කරමින් ජනාධිපති අපේක්ෂක මහින්ද රාජපක්ෂ මහතාට සහයෝගය දැක්වීය.
මෙම විරෝධයේ ප්‍රතිපල ලෙස ජනමාධ්‍ය ඇමැති ලෙස ජනාධිපතිවරයා විසින් රූපවාහිනී සංස්ථාවේ නව සභාපතිවරයා ලෙස සරත් කෝන්ගහගේ මහතා පත් කෙරිණි. පසුගිය කාලයේදී රූපවාහිනී සංස්ථාවේ සභාපති ලෙස කටයුතු කළ ආරියරත්න ඇතුගල මහතා රජයට පක්ෂව හා විපක්ෂය නිර්දය ලෙස විවේදනය කරමින් කටයුකු කළ බවට චෝදනා එල්ල වූ අතර, ජනාධිපතිවරණයේදී ජනාධිපතිවරයාට ප්‍රසිද්ධියේ සහයෝගය දැක්වූ සරත් කෝන්ගහගේ මහතාගෙන් මීට වඩා යහපත් තත්ත්වයක් අපේක්ෂා කළ නොහැකි බව මේ සම්බන්ධයෙන් අදහස් දැක්වූ රූපවාහිනී සංස්ථා සේවකයේ පැවසූහ. lanka truth
0 comments:
Post a Comment