අද පස්වරු 1.00ට පමණ පැවැත්වීමට නියමිතව තිබූ යුද අධිකරණය වෙත තමා රැගෙන යාමට යුද හමුදා නිලධාරීන් කටයුතු කිරීමෙන් තම මන්ත්‍රී වරප්රසාද කඩවන බවට පාර්ලිමේන්තු මන්ත්‍රී ජෙනරාල් සරත් ෆොන්සේකා මහතා අද පාර්ලිමේන්තුවේදී වරප්රසාද ප්‍රශ්ණයක් මතු කළේය.
හදිසි නීතිය දීර්ඝ කිරීමේ විවාදය සඳහා පාර්ලිමේන්තුව අද පෙරවරුවේ රැස්වූ අවස්ථාවේ වරප්රසාද ප‍්‍රශ්නය කතානායකවරයා වෙත යොමු කළ මන්ත‍්‍රීවරයා පැවසුවේ තමන් අද දින විශේෂ ප‍්‍රකාශයක් කරන බැවින් පාර්ලිමේන්තු කටයුතු අවසාන වන තෙක් පාර්ලිමේන්තුවේ රැදී සිටීමට ඉඩකඩ සලසා දෙන ලෙසයි.
එහිදී කතානායකවරයා ප්‍රකාශ කළේ මේ පිළිබදව සොයා බැලීමට කටයුතු කරන බවයි. කෙසේ වෙතත් ජෙනරාල් සරත් ෆොන්සේකා මහතා මේවන විටත් පාර්ලිමේන්තුව තුළ රැදී සිටී.lankatruth
0 comments:
Post a Comment