මහ මැතිවරණය සඳහා නාමයෝජනා බාරදීම හෙටින් අවසන් වේ. අද දිනය තුළ එක්සත් ජනතා නිදහස් සන්ධානය, එක්සත් ජාතික පෙරමුණ, ප්‍රජාතන්ත්‍රවාදී ජාතික පෙරමුණ ඇතුළු පක්ෂ, දිස්ත්‍රික්ක ගණනාවකට නාමයෝජනා බාරදී තිබේ.
ඒ අනුව එක්සත් ජනතා නිදහස් සන්ධානය කොළඹ, බදුල්ල ඇතුළු දිස්ත්‍රික්ක ගණනාවකට අද නාමයෝජනා බාරදී ඇති බව සඳහන් වේ. එක්සත් ජනතා නිදහස් සන්ධානයේ කොළඹ දිස්ත්රික්කය සඳහා නාමයෝජනා බාරදීම සුසිල් ප්‍රේමජයන්ත් අමාත්‍යවරයාගේ මූලිකත්වයෙන් සිදුවිය.බදුල්ල දිස්ත්රික්කය සඳහා එම සන්ධානයේ නාමයෝජනා බාරදීම සිදුවූයේ නිමල් සිරිපාල ද සිල්වා අමාත්‍යවරයාගේ මූලිකත්වයෙනි. එක්සත් ජාතික පෙරමුණ ද අද දිනය තුළ රත්නපුර, හම්බන්තොට, ගාල්ල, යාපනය වැනි දිස්ත්‍රික්ක ගණනාවකට නාමයෝජනා බාරදුන් බව එක්සත් ජාතික පක්ෂයේ මහලේකම් තිස්ස අත්තනායක මහතා කියා සිටියි. ප්‍රජාතන්ත්‍රවාදී ජාතික සන්ධානය කළුතර, යාපනය, ගාල්ල යන දිස්ත්‍රික්ක සඳහා අද දිනයේ නාමයෝජනා බාරදුන් බව විජිත හේරත් මහතා ප්‍රකාශ කර තිබිණි. ada
0 comments:
Post a Comment