Monday, December 6, 2010
විදෙස් කතුන් සහිත ගණිකා නිවාසයක්..
කොල්ලුපිටිය ප්රදේශයේ විදෙස්කතුන් සහිත ගණිකා නිවාසයක් වැටලීම සිදුකර ඇත.එහිදී උස්බෙකිස්ථාන ජාතික කාන්තාවන් අත්අඩංගුවට ගැනීම සිදුකර ඇත.මීට අමතරව ලාංකික කාන්තවන් තුදෙනෙක්ද වනබව පැවසේ.
කොල්ලුපිටියේ වෙලද සංකීර්ණයක 7වන හා අට වන මහල් තුල පවත්වාගෙන ගිය මය කොටුව මහේස් මහේස්ත්රාත් අඩිකරන වරෙන්තුමත මම වැටලීම සිදුකර ඇති බව එම නිලදාරින් පැවසුව.මේ තුල තිබී විදෙස් දසලක්ශයක් පමන වටිනා මත්පැන හා තුන්ලක්ශයක් පමණ මුදල්ද සොයාගෙන ඇත.
නමුත් මේහි මූලික සැකකරු හා එහි තවත් මීට සම්බන්ද දසදෙනෙකු පැනගොසැති අතර,අතඩංගුවට පත් කාන්තාවන් සහ එම භාණ්ඩ අධිකරනය හමුවට ඉදිරිපත්කිරීමට කටයුතු කරන බව ආරංචිමාර්ග වලින් අනාවර්ණය වේ
ආණ්ඩු පක්ෂයේ හැසිරීම පාර්ලිමේන්තු ඉතිහාසයේ ඇතිවූ අප්රසන්න සිදුවීමක්
බ්රිතාන්යයේ දී ජනාධිපති මහින්ද රාජපක්ෂ මහතාට එරෙහිව ක්රියාත්මක වූ එල්. ටී. ටී. ඊ හිතවාදී බලවේග එක්සත් ජාතික පක්ෂය තරයේ හෙළා දකින බව එම පක්ෂයේ පාර්ලිමේන්තු මන්ත්රී හරේන් ප්රනාන්දු මහතා පවසයි.
කෙසේ වෙතත් එම සිද්ධිය සම්පාදක කර ගනිමින් පසුගිය දා පාර්ලිමේන්තුවේ ඇති වූ කලහකාරී ස්වභාවය සම්බන්ධයෙන් කිසිසේත් අනුමත කළ නොහැකි බව ඔහු සඳහන් කළේය.
කොළඹ දී අද(06) පැවති මාධ්ය හමුවකට සහභාගී වෙමින් හරේන් ප්රනාන්දු මහතා මෙම අදහස් පළ කළේය.
ආණ්ඩු පක්ෂය පාර්ලිමේන්තුව තුළ හැසිරුණු ආකාරය පාර්ලිමේන්තු ඉතිහාසය තුළ ඉතා අප්රසන්න සිදුවීමක් වනු ඇති බව ඔහු එහි දී වැඩිදුරටත් සඳහන් කළේය.
adaderana.lk
කෙසේ වෙතත් එම සිද්ධිය සම්පාදක කර ගනිමින් පසුගිය දා පාර්ලිමේන්තුවේ ඇති වූ කලහකාරී ස්වභාවය සම්බන්ධයෙන් කිසිසේත් අනුමත කළ නොහැකි බව ඔහු සඳහන් කළේය.
කොළඹ දී අද(06) පැවති මාධ්ය හමුවකට සහභාගී වෙමින් හරේන් ප්රනාන්දු මහතා මෙම අදහස් පළ කළේය.
ආණ්ඩු පක්ෂය පාර්ලිමේන්තුව තුළ හැසිරුණු ආකාරය පාර්ලිමේන්තු ඉතිහාසය තුළ ඉතා අප්රසන්න සිදුවීමක් වනු ඇති බව ඔහු එහි දී වැඩිදුරටත් සඳහන් කළේය.
adaderana.lk
කරූට එරෙහිව විශ්වාස භංගයක්..
එ.ජා.ප නියෝජ්ය නායක කරූ ජයසූරිය මහතාට එරෙහිව ඉදිරියේදී විශ්වාස භංග යෝජනාවක් පාර්ලිමේන්තුවට ගෙන එන බව ඉදිකිරිම්,ඉංජිනේරු සේවා,නිවාස හා පොදු පහසුකම් අමාත්ය විමල් වීරවංශ මහතා පවසයි.
අද (06)කොළඹ පැවති මාධ්ය හමුවකට එක්වෙමින් අමාත්යවරයා මේ බව සඳහන් කළේය.
කරූ ජයසූරිය මහතා විසින් ශ්රී ලංකාවේ සිදුවීයයි කියනු ලබන යුද අපරාධ සම්බන්ධයෙන් විමර්ශනයක් කළ යුතු බවට එක්තරා පුවත්පතකට ප්රකාශයක් කර ඇතැයිද එසේ හෙයින් ජයසූරිය මහතා පාර්ලිමේන්තු මන්ත්රීවරයෙකු ලෙස විශ්වාසය කඩ කර ඇති හෙයින් මෙම යෝජනාව ගෙන ඒමට කටයුතු කරන බව වීරවංශ මහතා වැඩිදුරටත් සඳහන් කළේය.
adaderana.lk
යුදාධිකරණය පිළිගත් අධිකරණයක්ද? -විභාගය කල්යයි
යුදාධිකරණය ආණ්ඩුක්රම ව්යවස්ථාව යටතේ පිළිගත් අධිකරණයක්ද නැද්ද යන්න තීරණය කිරීමේ විභාගය ශ්රේෂ්ඨාධිකරණය විසින් කල් දමා තිබේ.
අග්ර විනිශ්චයකාර අශෝක ද සිල්වා මහතා රාජ්ය නිල උත්සවයකට සහභාගි වන නිසා අද එම විභාගය පැවැත්වීමට හැකියාවක් නොමැති බව අදාළ නඩුව අද(06) කැඳවූ අවස්ථාවේ ආචාර්ය ශිරාණි බණ්ඩාරනායක විනිසුරුවරිය සඳහන් කළාය.
ඒ අනුව මෙම විභාගය ලබන 09 වන දින දක්වා කල් දමන බව අධිකරණය නිවේදනය කර තිබේ.
යුදාධිකරණය ආණ්ඩුක්රම ව්යවස්ථාව යටතේ පිළිගත් අධිකරණයක් නැද්ද යන්න තීරණය කර තීන්දුවක් ලබාදෙන ලෙස ඉල්ලා අභියාචනාධිකරණය විසින් කරන ලද ඉල්ලීමකට අනුව මෙම විභාගය ශ්රේෂ්ඨාධිකරණය විසින් පවත්වනු ලබයි.
adaderana.lk
උත්සව සමය වෙනුවෙන් විශේෂ දුරකථන අංකයක්
උත්සව සමයේ කොළඹ නගරයේ සාප්පු සවාරි යෙදෙන්නන්ට කිසියම් හදිසි තත්ත්වයක් යටතේ සහයෝගයක් අවශ්ය නම් ඒ සඳහා විශේෂ පොලිස් දුරකථන සේවයක් හඳුන්වා දී තිබේ.
ඒ සඳහා 011-2437156 අංකයට අමතන ලෙස රජයේ ප්රවෘත්ති දෙපාර්තමේන්තුව සඳහන් කරයි.
adaerana.lk
මහ වැසි නිසා 64, 000 ට වැඩි පිරිසක් පීඩාවට පත්වෙයි
දින කිහිපයක සිට ඇද හැලෙන වර්ෂාපතනයත් සමග මේ වන විට පුද්ගලයින් 64, 000ට අධික පිරිසක් පීඩාවට පත්ව තිබේ.
මේ වන විට අවතැන් වු පුද්ගලයින් පන්දහසකට අධික පිරිසක් දිවයින පුරා පිහිටි කඳවුරු 47ක රඳවා ඇති බව ආපදා කළමනාකරණ මධ්යස්ථානය පෙන්වා දෙයි.
විශේෂයෙන් ත්රිකුණාමල දිස්ත්රික්කය ද මීට ඇතුළත් බව මේ සම්බන්ධයෙන් වැඩිදුරටත් පැහැදිලි කරන ආපදා කළමනාකරණ මධ්යස්ථානයේ සහකාර අධ්යක්ෂ ප්රදීප් කොඩිප්පිලි මහතා සඳහන් කළේය.
අවශ්ය සහන කටයුතු අවශ්ය පරිදි ආපදා කළමනාකරණ මධ්යස්ථානය හරහා සිදුවන බව ද ඔහු කියා සිටියේය.
මේ අතර පවතින වර්ෂාපතනයත් සමඟ ජල මට්ටම් ඉහළ යාම හේතුවෙන් රන්දෙනිගල සහ රන්ටැඹේ ජලාශවල වාන් දොරටු කිහිපයක් ඊයේ(06) පස්වරුවේ විවෘත කර ඇත.
2007 වසරෙන් පසු රන්දෙනිගල ජලාශයේ වාන් දොරටු විවෘත කළ පළමු අවස්ථාව මෙය බව එම ජලාශය භාරව කටයුතු කරන කාර්යය භාර ඉංජිනේරු එච් එම් කළුබණ්ඩා මහතා සඳහන් කළේය.
රන්දෙනිගල සහ රන්ටැඹේ ජලාශවල වාන් දොරටු විවෘත කිරීම හේතුවෙන් මහවැලි ගඟ පරිහරණය කරන ජනතාව අවධියෙන් සිටින ලෙස ද ඒ මහතා වැඩිදුරටත් කියා සිටියේය.
adaderana.lk
ඖෂධ ප්රතිපත්තියට හැමෝගෙම සහය ඕනෑ
ජාතික ඖෂධ ප්රතිපත්තිය 2011 වසරේ සිට ක්රියාත්මක කරන බව සෞඛ්ය අමාත්ය මෛත්රීපාල සිරිසේන මහතා පවසයි.
මහාචාර්ය සේනක බිබිලේ ගේ ජාතික ඖෂධ ප්රතිපත්තිය මේ අයුරින් ඉදිරියට ක්රියාත්මක කරන බවත්,ඒ තුළින් ගුණාත්මක සෞඛ්ය සේවයක් ස්ථාපිත කරන්නට කටයුතු කරන බවත් අමාත්යවරයා අද පාර්ලමේන්තුවේදී කියා සිටි බව අද දෙරණ පාර්ලිමේන්තු වාර්තාකරු සඳහන් කරයි.
එසේ වුවද මහාචාර්ය සේනක බිබිලේ ඖෂධ ප්රතිපත්තිය මේ වන විට කාලීන හා තාක්ෂණික වෙනස්වීම් ඔස්සේ වැඩි වර්ධනය විය යුතු බවත්,එබැවින් එකී ඖෂධ ප්රතිපත්තිය යම් යම් වෙනස්කම් වලට ලක්කොට ක්රියාත්මක කරන බවත් අමාත්යවරයා පෙන්වාදුන්නේය.
එසේ වුවද මෙම ප්රතිපත්තිය ක්රියාත්මක කිරීම පහසු නොවන බවද,ඒ සඳහා පක්ෂ විපක්ෂ භේදයකින් තොරව සියලුදෙනාගේම සහය අවශ්ය බවද සෞඛ්ය අමාත්යවරයා අවධාරණය කර තිබේ.
adaderana.lk
එ.ජා.පය රෑ ඩැනියෙල් දවල් මිගෙල් වගේ
එක්සත් ජාතික පක්ෂය රෑ ඩැනියෙල් දවල් මිගෙල් සේ ක්රියා කරන බව පරිසර අමාත්ය අනුර ප්රියදර්ශන යාපා මහතා පවසයි.
සජිත් ප්රේමදාස මන්ත්රීවරයා එක් කතාවක් කියන අතර කරූ ජයසූරිය මහතා ඊට ප්රතිවිරුද්ධ කතාවක් කියන බවත්,ලංකාවට එකක් කියමින් ජාත්යන්තරයට තවත් එකක් කියමින් සිටින බවත් අමාත්යවරයා පෙන්වා දුන්නේය.
කරූ ජයසූරිය මහතා පුවත්පතකට ප්රකාශයක් කරමින් ලංකාවේ යුද අපරාධ සම්බන්ධයෙන් පරීක්ෂණයක් පැවැත්විය යුතු බව සඳහන් කරන අතරම සජිත් ප්රේමදාස මන්ත්රීවරයා ඊට එරෙහිව යුද අපරාධ කරනු ලැබවේ එල්.ටී.ටී.ඊය පමණක් බව පෙන්වාදෙන බව පරිසර අමාත්ය අනුර ප්රියදර්ශන යාපා මහතා පාර්ලිමේන්තුවේදී සඳහන් කළ බව අද දෙරණ පාර්ලිමේන්තු වාර්තාකරු කියා සිටියි.
මේ අයුරින් එක්සත් ජාතික පක්ෂය උත්සාහ කරමින් සිටින්නේ ශ්රී ලංකාවේ දේශපාලනය ජාත්යන්තරය විසින් වෙනස් කිරීමකට ලක්කිරීමට බව අමාත්යවරයා චෝදනා කර තිබේ.
adaderana.lk
යුද අපරාධ කළේ එල්.ටී.ටී.ඊය පමණයි
මෙරට යුද අපරාධ කළේනම් ඒ එල්.ටී.ටී.ඊ සංවිධානය පමණක් බව එ.ජා.ප පාර්ලිමේන්තු මන්ත්රී සජිත් ප්රේමදාස මහතා පවසයි.
අද පාර්ලිමේන්තුවේදී නිවාස,ඉදිකිරීම්, ඉංජිනේරු සේවා,නිවාස හා පොදු පහසුකම් අමාත්ය විමල් වීරවංශ මහතා එ.ජා.ප නියෝජ්ය නායක කරූ ජයසූරිය මහතා විසින් පුවත් පතකට කර තිබුණු ප්රකාශයක් අදාළ කර ගනිමින් නැඟූ ප්රශ්නයකට පිළිතුරු දෙමින් ප්රේමදාස මන්ත්රීවරයා මෙසේ ප්රකාශ කළ බව අද දෙරණ පාර්ලිමේන්තු වාර්තාකරු සඳහන් කරයි.
කරූ ජයසූරිය මන්ත්රීවරයා ලංකාවේ සිදුවීයයි කියනු ලබන යුද අපරාධ සම්බන්ධයෙන් පරීක්ෂණයක් පැවැත්විය යුතු බව ට පුවත්පතකට කර ඇති ප්රකාශයක් අදාළ කර ගනිමින් වීරවංශ අමාත්යවරයා මේ බව සජිත් ප්රේමදාස මන්ත්රීවරයාගෙන් විමසා තිබේ.
සෞඛ්ය ක්ෂේත්රය පිළිබඳ අදහස් දක්වමින් සිටි සජිත් ප්රේමදාස මන්ත්රීවරයා පවසා ඇත්තේ උපතේ ජීව උපත් සංඛ්යාව 2005 දී ලක්ෂයකට මාතෘ මරණ 58 ක් වුවද 2008 දී එය මාතෘ මරණ 35 ක් දක්වා අඩුවී ඇති බවයි.
adaderana.lk
Saturday, December 4, 2010
සුද්දන්ට ටියුෂන් දෙන්න මර්වින් සූදානම්
මහින්ද චින්තනය පිළිබඳව ඉගෙනගැනීම සඳහා ඉහළම නිලධාරියාගේ සිට ලෝකයේ සිටින සියලුම සුදු ජාතිකයින් වෙත ශ්රී ලංකාවට පැමිණෙන ලෙස ආරාධනා කරන බව මහජන සම්බන්ධතා හා මහජන කටයුතු අමාත්ය ආචාර්ය මර්වින් සිල්වා මහතා පවසයි.
මහින්ද චින්තනය පිළිබඳව අධ්යාපනය ලබාදී ඒ අනුව කටයුතු කරන ලෙස තමන් ඔවුන්ට උපදෙස් ලබාදෙන බවත් ඔහු සඳහන් කරයි.
අද(04) පෙරවරුවේ පෑලියගොඩ නගරයේ පැවති ආචාර්ය මර්වින් සිල්වා අභියෝගතා කුසලාන පාපැදි සවාරිය ආරම්භ කිරීමේ අවස්ථාවට එක්වෙමින් ඔහු මෙම අදහස් පළකළේය.
එමෙන්ම රටක රාජ්ය නායකයකුට ආරක්ෂාව සැපයීමට බ්රිතාන්යය අසමත් වුවද ඕනෑම අවස්ථාවක ඔවුන් ශ්රී ලංකාවට පැමිණියහොත් සියලුම කටයුතු කරගනිමින් ආපසු සිය රට වෙත වෙත යා හැකි බව ද මර්වින් සිල්වා මහතා අවධාරණය කළේය.
එමෙන්ම කිසියම් පුද්ගලයෙකු සිය රටට ද්රෝහි වේ නම් තමන් පාර්ලිමේන්තුවේ වූ සිදුවීම අනුමත කරන බවත්, තමන් එම අවස්ථාවේ නොසිටීම ගැන කණගාටුවට පත්වන බවත් හෙතෙම කියා සිටියේය.
රුවල් නැවක් හෝ සොයාගෙන රටින් පිටව යන ලෙස සියලු ද්රෝහින්ට අවධාරණය කරන බවත් සිල්වා මහතා වැඩිදුරටත් කියා සිටියේය. ත්රස්වාදය අවසන්ව, රටට සාමකාමී පරිසරයක් උදාවී ඇති නිසා ව්යායාම වෙනුවට පාපැදිය භාවිතකරන ලෙස දේශපාලකයින් වෙත දැනුම්දෙන බව ද ඔහු කියා සිටියේය.
මහ වැස්සෙන් කොළඹ මාර්ග කිහිපයක් ජලයෙන් යටවෙයි
පවතින අධික වර්ෂාපතනයත් සමග කොළඹ නගරයේ ස්ථාන කිහිපයක් ජලයෙන් යටවී තිබේ.
තුම්මුල්ල, ආමර් වීදිය, කිරුළපන පොලිස් ස්ථානය ඉදිරිපිට මාර්ගය, බේස්ලයින් මාර්ගයේ ස්ථාන කිහිපයක් මෙසේ ජලයෙන් යටවී ඇති බව පොලිස් මාධ්ය ප්රකාශක පොලිස් අධිකාරී ප්රිශාන්ත ජයකොඩි මහතා පැවසුවේය.
ජලයෙන් යටවී තිබෙන තුම්මුල්ල මංසන්ධිය ආශ්රිතව රථවාහන ධාවන කටයුතු බරවාහනවලට පමණක් සීමා වී ඇති බව පොලිස් මාධ්ය ප්රකාශකවරයා සඳහන් කළේය.
සෙසු මාර්ගවල ජලය රැදී තිබුණ ද සුපුරුදු පරිදි ධාවන කටයුතු සිදුකෙරෙන බව ඔහු වැඩිදුරටත් කියා සිටියේය.
adaderana.lk
පඩි වැඩිකරන්න බැරි ආණ්ඩුව ඇමතිවරුන් 10 දෙනෙකුට කෝටි ගණන් වියදම් කරනවා
රජයේ සේවකයන්ට වැටුප් වැඩිකිරීමට නොහැකි ආණ්ඩුව කිසිම අමාත්යාංශයක් නොමැති අමාත්යවරුන් දහ දෙනෙකුට රුපියල් කෝටි ගණනින් මුදල් වැය කරන බව එක්සත් ජාතික පක්ෂ මහලේකම් තිස්ස අත්තනායක මහතා පවසයි.
මෙම එක් අමාත්යවරයෙකු සඳහා මසකට රුපියල් ලක්ෂ 25 ක මුදලක් වැය කරන බව ඔහු පෙන්වාදෙයි. අද(04) මහනුවර, පාතදුම්බර ප්රදේශයේ පැවති ජනහමුවකට එක්වෙමින් තිස්ස අත්තනායක මහතා මේ අදහස් පළ කළේය.
හිටපු ජනාධිපති ආර් ප්රේමදාස මහතා විසින් විදේශීය දූත පිරිස් මෙරටට පැමිණි අවස්ථාවලදී නවාතැන් පහසුකම් සැපයීමේ අරමුණින් ඉදිකළ විසුම්පායෙහි අද එල්. ටී. ටී. ඊ හිතවාදී කුමරන් පද්මනාදන් නවාතැන්ගෙන සිටින බව එහිදී වැඩිදුරටත් අදහස් දැක්වමින් තිස්ස අත්තනායක මහතා කියා සිටියේය.adaderana.lk
12 වනදාට එජාප නායකත්වය වෙනස්වන බව සිතන්න බෑ
ලබන 12 වැනිදා පැවැත්වීමට නියමිත එක්සත් ජාතික පක්ෂ සමුළුවේ දී පක්ෂ නායකත්වයේ වෙනසක් සිදුවනු ඇතැයි තමා විශ්වාස නොකරන බව ඵලදායීතා ප්රවර්ධන අමාත්ය ලක්ෂ්මන් සෙනෙවිරත්න මහතා පවසයි.
රනිල් වික්රමසිංහ මහතා අදාළ තනතුර අත්හරිනු ඇති බවට විශ්වාස කිරීම දුෂ්කර බව අමාත්යවරයා සඳහන් කරයි.
එක්සත් ජාතික පක්ෂ නායකත්වයේ වෙනසක් සිදුවුව ද තමා යළි එම පක්ෂය සමග එක් නොවන බව ලක්ෂ්මන් සෙනෙවිරත්න අමාත්යවරයා ප්රකාශ කරයි.
එක්සත් ජාතික පක්ෂය යළි ඉදිරියට පැමිණීමට නම් ආකල්පමය වෙනසක් ද අවශ්ය බව අමාත්යවරයා පෙන්වාදෙයි.
adaderana.lk
මෙරට නිවාස ගැන තොරතුරු ලබාගැනීමට නිවාස ලේකම් කාර්යාලයක්
ශ්රී ලංකාව තුළ පිහිටි නිවාස සම්බන්ධයෙන් තොරතුරු ලබාගැනීම සඳහා ලබන 5 වැනිදා නිවාස ලේකම් කාර්යාලයක් පිහිටුවන බව ඉදිකිරීම්, ඉංජිනේරු, නිවාස හා පොදු පහසුකම් අමාත්ය විමල් වීරවංශ මහතා පවසයි.
අද(04) පාර්ලිමේන්තුවේ දී එක්සත් ජාතික පක්ෂ පාර්ලිමේන්තු මන්ත්රී රවී කරුණානායක මහතා නැගූ වාචික ප්රශ්නයකට පිළිතුරු ලබාදෙමින් අමාත්යවරයා මෙම අදහස් පළ කළේය.
මෙහිදී අමාත්යවරයා පසුගිය කාලය තුළ ඉදිකරන ලද නිවාස පිළිබඳ සංඛ්යාලේඛන ද පාර්ලිමේන්තුවට ඉදිරිපත් කරනු ලැබීය. එම සංඛ්යාලේඛන පිළිබඳ ගැටලුවක් පවතින බව එහිදී එක්සත් ජාතික පක්ෂ පාර්ලිමේන්තු මන්ත්රී සජිත් ප්රේමදාස මහතා කියා සිටියේය.
1978 සිට 1994 දක්වා කාලය තුළ එක්සත් ජාතික පක්ෂ රජය මගින් ඉදිකරන ලද නිවාස දස ලක්ෂය මෙම සංඛ්යාලේඛනවලට ඇතුළත්ව නොමැති බව මන්ත්රීවරයා පෙන්වාදුන්නේය. මෙම සංඛ්යාලේඛනවල ඇතුළත් වන්නේ ප්රතිසංස්කරණය කරන ලද නිවාස පමණක් බව මෙහිදී විමල් වීරවංශ අමාත්යවරයා සඳහන් කළේය.
මෙම සංඛ්යාලේඛන නිවාස සංවර්ධන අධිකාරිය මගින් ලබාදුන් සංඛ්යාලේඛනයක් බව විමල් වීරවංශ අමාත්යවරයා වැඩිදුරටත් කියා සිටියේය.
විමල් වීරවංශ අමාත්යවරයා විසින් ඉදිරිපත් කරන ලද කරුණු සත්ය ඒවා බව මෙහිදී අදහස් දැක්වූ නිමල් සිරිපාල ද සිල්වා අමාත්යවරයා කියා සිටියේය.
adaerana.lk
ජනපතිට එරෙහි උද්ඝෝෂණය මෝඩ ක්රියාවක් පමණයි
පසුගියදා ජනාධිපති මහින්ද රාජපක්ෂ මහතා සිදුකළ බ්රිතාන්ය සංචාරයේදී ඊට එරෙහිව ලන්ඩනයේදී ද්රවිඩ ජනතාව සිදුකළ උද්ඝෝෂණයට විරෝධය පළකරන බව පාර්ලිමේන්තු මන්ත්රී ප්රභා ගනේෂන් මහතා පවසයි.
එම උද්ඝෝෂණය අඥාන ක්රියාවක් බව ද ඔහු සඳහන් කරයි. අද(04) කොළඹදී පැවති මාධ්ය හමුවකදී අදහස් දක්වමින් ඔහ මේ බව කියා සිටියේය.
යුද්ධය අවසන්ව, රටට සාමය උදාවී මේ වනවිට රටේ සංවර්ධන කටයුතු ද කඩිනමින් සිදුවන බව මන්ත්රීවරයා පෙන්වාදෙයි. උතුරු නැගෙනහිර නැවත පදිංචි කිරීම් මෙන්ම සංවර්ධන කටයුතු යහපත් ලෙස සිදුවන බවත් ඒ සඳහා දායකත්වය දක්වන ලෙසත් හෙතෙම ද්රවිඩ ඩයස්පෝරාවෙන් ඉල්ලා සිටියි.
මෙම උද්ඝෝෂණය සිදුකළේ බ්රිතාන්යයේ වෙසෙන ද්රවිඩ ජන කොටසින් සුළුතරයක් පමණක් නමුත් එහි වගකීම සමස්ත ද්රවිඩ ඩයස්පෝරාවටම එල්ල වී ඇති බවට ද ගනේෂන් මහතා චෝදනා කරයි.
එමෙන්ම මෙම උද්ඝෝෂණය සම්පූර්ණයෙන් ඵල රහිත ක්රියාවක් බවත්, මෙවැනි උද්ඝෝෂණ නිසා ජනාධිපතිවරයා තුළ කිසියම් අප්රසාදයක් ඇතිවිය හැකි බවත් ඔහු වැඩිදුරටත් පෙන්වාදෙයි.adaderana.lk
මට ශ්රී ලංකාව ගැන කතාකරන්න අයිතියක් නෑ
ශ්රී ලංකාවේ අවතැන්ව සිටින ද්රවිඩ ජනතාව නැවත පදිංචි කිරීමේ කටයුතු පිළිබඳව අමෙරිකාව අවධානය යොමුකර ඇති බව ඉන්දියාවේ අමෙරිකා එක්සත් ජනපද තානාපති තිමෝති ජේ. රෝමර් මහතා පවසයි.
එම කටයුතු සඳහා අමෙරිකාව විසින් ශ්රී ලංකාව වෙත ඉන්දීය රුපියල් කෝටි 150 ක මුදලක් ලබාදී ඇති බව ද ඔහු පෙන්වා දී තිබේ.
නමුත් ශ්රී ලංකාව පිළිබඳ තමන්ට කිසිදු අදහසක් දැක්විය නොහැකි බවත්, ඒ සඳහා තමන්ට අයිතියක් නොමැති බවත් ඔහු ප්රකාශ කරයි.
ඊයේ(03) ඉන්දියාවේ වෙන්නායි නගරයේ ජාත්යන්තර පාසලක් නැරඹීම සඳහා තිමෝති ජේ රෝමර් මහතා පැමිණි අවස්ථාවේ මාධ්යවේදියකු නැගූ පැනයකට පිළිතුරුදෙමින් ඔහු මේ බව සඳහන් කර ඇති බව ඉන්දීය මාධ්ය වාර්තා කරයි.
අදාළ කටයුතු පිළිබඳව සොයාබැලීමේ අයිතිය ඇත්තේ ශ්රී ලංකාවේ අමෙරිකානු තානාපතිවරයාට බවත්, ඔහු ඒ සම්බන්ධව සොයාබැලීම් සිදුකරන බවත් හෙතෙම වැඩිදුරටත් ප්රකාශ කර ඇත.
ශ්රී ලංකාවේ සිවිල් යුද ගැටුම් පැවති කාල සීමාව තුළ සිදුවී යැයි කියන මානව හිමිකම් කඩවීම් සම්බන්ධව කිසිදු පුද්ගලයෙකු අත්අඩංගුවට ගෙන නොතිබීම සම්බන්ධව මාධ්යවේදියකු විසින් තානාපතිවරයාගෙන් ප්රශ්න කර තිබෙන බව ඉන්දීය මාධ්ය වාර්තා කරයි.adaderana.lk
Friday, December 3, 2010
මගෙනුත් මල්දමක් පිළිගන්න . .
බ්රිතාන්යයේ සංචාරයක නිරතවීමෙන් පසු අද(03) පස්වරුවෙහි ජනාධිපති මහින්ද රාජපක්ෂ මහතා දිවයිනට පැමිණියේය. දිවයිනට පැමිණි ජනාධිපතිවරයා පිළිගැනීම සඳහා දහසකට වැඩි පිරිසක් කටුනායක ගුවන්තොටුපළේ පිළිගැනීමේ පර්යන්තයේ රැඳී සිටි අතර මැති ඇමතිවරු රැසක් ද ජනාධිපතිවරයා පිළිගැනීම සඳහා පැමිණ සිටියහ. එහිදී මහජන සම්බන්ධතා හා මහජන කටයුතු අමාත්ය මර්වින් සිල්වා මහතා විසින් මල් මාලයක් පළඳමින් ජනාධිපතිවරයා පිළිගත් අයුරු ඉහතින් දැක්වේ.
adaderana.lk
නොනැවතී ඉදිරියට. .
බ්රිතාන්ය රජයට සහ එරට ක්රියා පිළිවෙතට එරෙහිව කොළඹ දී අද(03) උද්ඝෝෂණයක් පැවැත්වුණි. ජාතික නිදහස් පෙරමුණ විසින් එය සංවිධානය කර තිබුණි. කෙසේවෙතත් නිවාඩු දිනයක් සේ සලකා අද දිනයේ බ්රිතාන්ය මහකොමසාරිස් කාර්යාලය වසා තිබෙන බව එම කොමසාරිස් කාර්යාලය ඉදිරිපස ප්රදර්ශනය කර තිබූ බව අද දෙරණ වාර්තාකරු සඳහන් කළේය එම උද්ඝෝෂණ ව්යපාරයේ එක් අවස්ථාවක් මෙසේ ඡායාරූපයට නැගී තිබිණි. adaderana.lk
විමල්ගේ විරෝධතාව ඇරඹෙයි -මහ කොමසාරිස් කාර්යාලය වසා ඇත?
ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්ය විමල් වීරවංශ මහතාගේ ප්රධානත්වයෙන් ආරම්භ වූ විරෝධතා ව්යාපාරය මේ වනවිට කොළඹ, බෞද්ධාලෝක මාවතේ පිහිටි බ්රිතාන්ය මහ කොමසාරිස් කාර්යාලය දෙසට ගමන් කරමින් තිබෙන බව වාර්තා වේ.
බ්රිතාන්යයේ සංචාරයක නිරත වූ ජනාධිපති මහින්ද රාජපක්ෂ මහතාට එහිදී සත්කාර කළ ආකාරය පිළිබඳව බ්රිතාන්ය රජයට විරෝධය පළකිරීම මෙම විරෝධතාවයේ අරමුණ බව ද සඳහන්ය.
කෙසේවෙතත් බ්රිතාන්ය මහ කොමසාරිස් කාර්යාලයේ තානාපති කටයුතු පිළිබඳ අංශය සිකුරාදා දිනය(2010 දෙසැම්බර් 03)තුළ මහ ජනතාව සඳහා වසා ඇති බව සඳහන් වන පුවරුවක් තානාපති කාර්යාලය ඉදිරිපිට ප්රදර්ශනය කර ඇති බව එහි ඉදිරිපිට රැඳී සිටින අද දෙරණ වාර්තාකරු ප්රකාශ කළේය.adaderana.lk
බ්රිතාන්යයේ සංචාරයක නිරත වූ ජනාධිපති මහින්ද රාජපක්ෂ මහතාට එහිදී සත්කාර කළ ආකාරය පිළිබඳව බ්රිතාන්ය රජයට විරෝධය පළකිරීම මෙම විරෝධතාවයේ අරමුණ බව ද සඳහන්ය.
කෙසේවෙතත් බ්රිතාන්ය මහ කොමසාරිස් කාර්යාලයේ තානාපති කටයුතු පිළිබඳ අංශය සිකුරාදා දිනය(2010 දෙසැම්බර් 03)තුළ මහ ජනතාව සඳහා වසා ඇති බව සඳහන් වන පුවරුවක් තානාපති කාර්යාලය ඉදිරිපිට ප්රදර්ශනය කර ඇති බව එහි ඉදිරිපිට රැඳී සිටින අද දෙරණ වාර්තාකරු ප්රකාශ කළේය.adaderana.lk
ජයලත්ට එරෙහි සාක්ෂි ඇත්නම් තේරීම් කාරක සභාවක් පත්කරන්න -රනිල් කියයි
ජයලත් ජයවර්ධන මන්ත්රීවරයාට එරෙහිව පැහැදිලි සාක්ෂි ඇත්නම් පාර්ලිමේන්තු තේරීම් කාරක සභාවක් පත්කරන ලෙස විපක්ෂ නායක රනිල් වික්රමසිංහ මහතා අද(03) පාර්ලිමේන්තුවේ දී ආණ්ඩු පක්ෂයෙන් ඉල්ලා සිටියේය.
ඒ පිළිබඳ කටයුතු කරමින් සිටින බව එහිදී ආණ්ඩු පක්ෂ ප්රධාන සංවිධායක දිනේෂ් ගුණවර්ධන මහතා සඳහන් කළේය. අයවැය කාරක සභා අවස්ථා විවාදය අද සිව්වන දිනටත් පාර්ලිමේන්තුවේ දී පැවැත්වේ.
අද දිනයේ එක්සත් ජාතික පක්ෂ පාර්ලිමේන්තු මන්ත්රී ජයලත් ජයවර්ධන මහතා විසින් පුද්ගලික පැහැදිලි කිරීමක් කළ බව ද අද දෙරණ පාර්ලිමේන්තු වාර්තාකරු සඳහන් කළේය.
ඊයේ(02) දිනයේ තමාට ආණ්ඩු පක්ෂයේ මැති ඇමතිවරුන් සාපරාධී අයුරින් චෝදනා කරමින් වධ හිංසා කළ බව එහිදී මන්ත්රීවරයා ප්රකාශ කර තිබේ.
adaderana.lk
ෆොන්සේකාගේ පෙත්සමේ කරුණු තහවුරු කිරීමට මාර්තු 2 කැඳවයි
දෙවන යුදාධිකරණයේ පත්කිරීම් අභියෝගයට ලක්කරමින් හිටපු යුද හමුදාපති සරත් ෆොන්සේකා මහතා ඉදිරිපත් කළ විශේෂ අභියාචනා පෙත්සමක් මාර්තු මස 2 වනදා කරුණු තහවුරු කිරීම සඳහා කැඳවීමට ශ්රේෂ්ඨාධිකරණය දින නියම කර තිබේ.
දෙවන යුදාධිකරණයේ විනිසුරු මඬුල්ලේ පත්කිරීම් අභියෝගයට ලක්කරමින් තමන් මුලින්ම අභියාචනාධිකරණයට පෙත්සමක් ඉදිරිපත් කළ බව එම පෙත්සමින් සරත් ෆොන්සේකා මහතා ප්රකාශ කර සිටියි.
එහෙත් එම පෙත්සම සලකා බැලූ අභියාචනාධිකරණය එය ප්රතික්ෂේප කිරීමට තීන්දු කළ බව ද ඉන් පැවසෙයි.
අභියාචනාධිකරණයේ එම තීරණය නිසා තමන්ට දැඩි අසාධාරණයක් සිදුවූ බව පවසන සරත් ෆොන්සේකා මහතා එම තීන්දුව ඉවත්කොට දෙවන යුදාධිකරණයේ විනිසුරු මඬුල්ලේ පත්කිරීම් නීති විරෝධී බව ප්රකාශ කරන මෙන් ඉල්ලමින් මෙම පෙත්සම ශ්රේෂ්ඨාධිකරණයට ඉදිරිපත් කර ඇත.
දෙවන යුදාධිකරණයේ විනිසුරුවරු පක්ෂග්රාහී අන්දමින් කටයුතු කිරීම නිසා තමන්ට දැඩි අසාධාරණයක් සිදුවු බව සරත්ෆොන්සේකා මහතා සිය අභියාචනා පෙත්සමින් ශ්රේෂ්ඨාධිකරණයට දැනුම් දී තිබේ.
ආණ්ඩු පක්ෂයේ හා විපක්ෂයේ මැතිවරුන්ට කතානායක තරයේ අවවාද කරයි
අද(03) පාර්ලිමේන්තුවේදී කතානායකවරයා විසින් කලහකාරී හැසිරීම් නිසා පාර්ලිමේන්තුවේ කටයුතු වලට බාධාවන බව පවසමින් ආණ්ඩු පක්ෂයේ හා විපක්ෂයේ මන්ත්රීවරුන්ට තරයේ අවවාද කර තිබේ.
එමෙන්ම ඒ. එච්. එම් අස්වර් මහතාට විශේෂයෙන් අවවාද කර ඇති අතර දිගින් දිගටම බාධාකළහොත් සතියක කාලයක් පාර්ලිමේන්තුව තහනම් කරන බවට කතානායකවරයා විසින් අවවාද කර ඇති බව ද අද දෙරණ වාර්තාකරු සඳහන් කළේය.
ඒ අතර එක්සත් ජාතික පක්ෂයේ පාර්ලිමේන්තු මන්ත්රී ජයලත් ජයවර්ධන මහතා විසින් විශේෂ ප්රකාශයක් කියවන අවස්ථාවේදී පාර්ලිමේන්තුව තුළ නොසන්සුන්කාරී තත්ත්වයක් ඇතිවූ බව ද අද දෙරණ වාර්තාකරු ප්රකාශ කළේය.
Thursday, December 2, 2010
මහළු මඩම සඳහා රාජ්ය සේවා කොමිෂම බිලිවන අයුරු
රාජ්ය සේවා කොමිෂම පිහිටි කොල්ලුපිටිය කාල්වීල් පෙදෙසේ සිව් මහල් ගොඩනැගිල්ල මේ දිනවල ලහි ලහියේ ජ්යෙෂ්ඨ ඇමතිවරුන්ගේ නිවහන බවට පත් කෙරෙමින් පවතී.
ඒ අනුව පසුගියදා පැමිණි මුදල් අමාත්යංශයේ ඉහළ නිලධාරීන් පිරිසක් රාජ්යසේවා කොමිෂමේ සේවකයන් ලවා එම ගොඩනැගිල්ලේ පිහිටි බඩු බාහිරාදිය ඉවත්කිරීම ආරම්භ කර තිබේ. මේවන විට එහි තිබූ ලිපිලේඛන සහ බඩු බාහිරාදිය පහත මාලයට ඇද දමා තිබේ. එම ලිපි ලේඛන දුගද හමන බහාලුම්වල බහා කිසිදු ආරක්ෂාවකින් තොරව පාර්සල් කර ඇති බව සේවකයින් පවසයි.
රාජ්ය සේවා කොමිසම මෙම ස්ථානය කුලියට ගෙන තිබුණේ ලක්ෂ 24 ක මාසක කුලියට වුවද ජ්යෙෂ්ඨ ඇමති කාර්යාලය පිහිට වූ සැනින් එහි මසක කුලිය රුපියල් ලක්ෂ 40 දක්වා ඉහළ ගොස් ඇති බව ද වාර්තා වේ. එය කෙසේ වී දැයි කොමිසමේ සේවකයෝ මවිතය පල කරති. මේ අතර ගොඩනැගිල්ල නවීඛරණය කිරීම සදහා වැයවන මුදල රුපියල් කෝටි 50 කට අධික බව ද ගණන් බලා තිබේ.
කෙසේ වෙතත් රාජ්ය සේවා කොමිෂම යළි ස්ථාපිත කරන ස්ථානය සම්බන්ධයෙන් මේවන තෙක් සදහනක් හෝ නොමැත. ඒ හේතුවෙන් 150 කට අධික කොමිෂමේ කාර්යමණ්ඩලයට ද යන එන මං නොමැති තත්වයකට පත්ව තිබේ.
lankatruth.com
ජනපතිගේ රන් පිළිරුව ගැන හෙළි කළාට ස්වර්ණාභරණ අධිකාරියේ සේවකයන්ට දඩුවම්
ඊයේ දිනයේදී අප වෙබ් අඩවිය විසින් රුපියල් කෝටි දෙකක වියදමකින් ජනාධිපතිවරයාගේ පිළිරුවක් නිර්මාණය කිරීමේ පුවත හෙළිදරව් කිරීමත් සමග ජාතික ස්වර්ණාභරණ අධිකාරීයේ සේවකයන් රාශියකට දඩුවම් ස්ථාන මාරු ලබාදී ඇති බව වාර්තාවේ. ආයතනයේ රහස් මාධ්ය වෙත හෙළිදරව් කිරීමේ වරදට මෙම දඩුවම් ස්ථාන මාරුවීම් ලබාදී තිබේ.
කෙසේ වෙතත් සේවකයින් පවසන්නේ ජනතාව දැවැන්ත ජීවන බරක් උසුලමින් රජයට ලබා දෙන බදුමුදල් වලින් මේ ආකාරයේ නිෂ්පළ ක්රියාවන් සිදුකිරීමට ඉඩ දිය නොහැකි බවයි.
අදාළ පුවත්
කෝටි 2ක් වියදම්කර ජනපතිට පිළිරුවක් හැදීමට ස්වර්ණාභරණ අධිකාරිය සැරසේ
http://www.lankatruth.com
කෙසේ වෙතත් සේවකයින් පවසන්නේ ජනතාව දැවැන්ත ජීවන බරක් උසුලමින් රජයට ලබා දෙන බදුමුදල් වලින් මේ ආකාරයේ නිෂ්පළ ක්රියාවන් සිදුකිරීමට ඉඩ දිය නොහැකි බවයි.
අදාළ පුවත්
කෝටි 2ක් වියදම්කර ජනපතිට පිළිරුවක් හැදීමට ස්වර්ණාභරණ අධිකාරිය සැරසේ
http://www.lankatruth.com
ජනපති උපදේශයෙන් නගර සභාවේද අනුමැතියකින් තොරව “සහේළි ගමගේ” නමින් පාරක්
මහරගම නගර සභාවේ කිසිදු අනුමැතියකින් තොරව “සහේලි ගමගේ” නමින් මහරගම අඹගහපුරයේ පාරක් නම්කර ඇති බව වාර්තාවේ. එම මාර්ගය බස්නාහිර පළාත් සභා අරමුදලෙන් ලක්ෂ 14ක පමණ ප්රතිපාදන වෙන්කොට ඉදිකර තිබේ. මේවන විට ඊට සමරු ඵලකයක්ද යොදා තිබේ.
මේ සම්බන්ධයෙන් මහරගම නගර සභාවේ සභාපතිනි කාන්ති කොඩිකාර මහත්මිය පැවසුවේ මාර්ගයට මෙම නම දැමීම සදහා නගර සභා මන්ත්රී ඉසුර දේවප්රිය මහතා යෝජනාවක් ගෙනාවද ඊට මන්ත්රීවරුන් බහුතරයක් විරුද්ධවූ බවයි.
කෙසේ වෙතත් ජනාධිපතිවරයාගේ උපදෙස් පරිදි, ඉසුර දේවප්රිය මහතාගේ ඉල්ලීම පරිදි බස්නාහිර පළාත් මහාමාර්ග අමාත්ය නිමල් ලන්සා මහතා විසින් එම මාර්ගය “සහේලි ගමගේ” මාවත ලෙස වීවෘත කළ බව සමරුඵලකයේ සදහන්වේ.
ඡායාරූප - දිවයින පුවත්පත
මේ සම්බන්ධයෙන් මහරගම නගර සභාවේ සභාපතිනි කාන්ති කොඩිකාර මහත්මිය පැවසුවේ මාර්ගයට මෙම නම දැමීම සදහා නගර සභා මන්ත්රී ඉසුර දේවප්රිය මහතා යෝජනාවක් ගෙනාවද ඊට මන්ත්රීවරුන් බහුතරයක් විරුද්ධවූ බවයි.
කෙසේ වෙතත් ජනාධිපතිවරයාගේ උපදෙස් පරිදි, ඉසුර දේවප්රිය මහතාගේ ඉල්ලීම පරිදි බස්නාහිර පළාත් මහාමාර්ග අමාත්ය නිමල් ලන්සා මහතා විසින් එම මාර්ගය “සහේලි ගමගේ” මාවත ලෙස වීවෘත කළ බව සමරුඵලකයේ සදහන්වේ.
ඡායාරූප - දිවයින පුවත්පත
ඔක්ස්ෆර්ඩ් තීරණයට බ්රිතාන්ය රජයේ සම්බන්ධයක් නෑ
ඔක්ස්ෆර්ඩ් සංගමය විසින් ගනු ලැබූ තීරණය සම්බන්ධව බ්රිතාන්යය රජයේ කිසිදු සම්බන්ධතාවයක් නොමැති බව ප්රකාශයක් නිකුත් කරමින් ශ්රී ලංකාවේ බ්රිතාන්ය මහ කොමසාරිස් කාර්යාලය පවසයි.
එමෙන්ම අදාළ වැඩසටහන ඔක්ස්ෆර්ඩ් සංගමය හා ලන්ඩනයේ ශ්රී ලංකා මහ කොමසාරිස් කාර්යාලය මගින් සංවිධානය කරනු ලැබූ පෞද්ගලික අංගයක් වන බව ද එම නිවේදනය මගින් පෙන්වා දී තිබේ.
බ්රිතාන්යයේ නිල සංචාරයක නිරතව සිටින ජනාධිපති මහින්ද රාජපක්ෂ මහතා විසින් අද(02) සිදුකිරීමට නියමිතව තිබු විශේෂ දේශනය ආරක්ෂක හේතුන් මත අවලංගු කිරීමට ඔක්ස්ෆර්ඩ් සංගමය තීරණය කර තිබිණි.
එල්. ටී. ටී. ඊ හිතවාදීන්ගේ ඇතැම් ක්රියා කලාපයන් හේතුවෙන් ඔක්ස්ෆර්ඩ් සංගමය විසින් මෙම ඒකමතික තීරණයට එළඹ ඇති බව ද සඳහන් විය.
අදාළ දේශනය අවලංගු කිරීමට සිදුවීම සම්බන්ධයෙන් තමා කනගාටුවට පත්වන බව මේ සම්බන්ධයෙන් අදහස් දක්වමින් ජනාධිපති මහින්ද රාජපක්ෂ මහතා පෙන්වා දෙනු ලැබීය.
එමෙන්ම අදාළ වැඩසටහන ඔක්ස්ෆර්ඩ් සංගමය හා ලන්ඩනයේ ශ්රී ලංකා මහ කොමසාරිස් කාර්යාලය මගින් සංවිධානය කරනු ලැබූ පෞද්ගලික අංගයක් වන බව ද එම නිවේදනය මගින් පෙන්වා දී තිබේ.
බ්රිතාන්යයේ නිල සංචාරයක නිරතව සිටින ජනාධිපති මහින්ද රාජපක්ෂ මහතා විසින් අද(02) සිදුකිරීමට නියමිතව තිබු විශේෂ දේශනය ආරක්ෂක හේතුන් මත අවලංගු කිරීමට ඔක්ස්ෆර්ඩ් සංගමය තීරණය කර තිබිණි.
එල්. ටී. ටී. ඊ හිතවාදීන්ගේ ඇතැම් ක්රියා කලාපයන් හේතුවෙන් ඔක්ස්ෆර්ඩ් සංගමය විසින් මෙම ඒකමතික තීරණයට එළඹ ඇති බව ද සඳහන් විය.
අදාළ දේශනය අවලංගු කිරීමට සිදුවීම සම්බන්ධයෙන් තමා කනගාටුවට පත්වන බව මේ සම්බන්ධයෙන් අදහස් දක්වමින් ජනාධිපති මහින්ද රාජපක්ෂ මහතා පෙන්වා දෙනු ලැබීය.
බ්රිතාන්යයට එරෙහිව විමල් සටනට බසියි
සියලු දේශමාමක ජනතාවට බ්රිතාන්යයට එරෙහිව පෙළගැසීමට පැමිණෙන ලෙස ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්ය විමල් වීරවංශ මහතා පවසයි.
ඒ අනුව හෙට(03) දිනයේදී කොළඹ, බෞද්ධාලෝක මාවතෙහි පිහිටි බ්රිතාන්යය තානාපති කාර්යාලය ඉදිරිපිට විරෝධතා ව්යාපාරයක් පවත්වන බවත්, ඒ සඳහා එක්වන ලෙස සියලුම ජනතාව වෙත අමාත්යවරයා ආරාධනා කර සිටියි.
බ්රිතාන්යය යනු අසමත් රාජ්යයක් බවත් වීරවංශ මහතා පෙන්වාදෙයි. එමෙන්ම අසරණ, බෙලහීන රාජ්යයක් බවට බ්රිතාන්යය පත්ව ඇති බවත් හෙතෙම අවධාරණය කරයි.
එමෙන්ම එල්. ටී. ටී. ඊ හිතවාදීන් අත්අඩංගුවට ගැනීම සඳහා කේ. පී. ගෙන් උදව් ලබා ගනිමින් සිටින බව දඔහු සඳහන් කළේය.
කේ. පී. ලවා ලබාගත හැකි සියලු දේ ලබාගැනීම රජයේ අරමුණ බව ඔහු සඳහන් කරයි.
අද(02) පස්වරුවේ කොළඹ පැවති මාධ්ය හමුවකට එක්වෙමින් විමල් වීරවංශ අමාත්යවරයා මෙම අදහස් පළ කළේය.
කිසිලෙසකින්වත් කේ. පී. රජයට එක්වී නොමැති බව එහිදි ඔහු වැඩිදුරටත් ප්රකාශ කළේය.adaderana.lk
විදුලි හොරු 115ක් මාට්ටුවෙයි-වැටලීම් මගින් ලක්ෂ 19 ට කිට්ටු ආදායමක්
පසුගිය සතිය තුළදී කිලිනොච්චිය ප්රාදේශීය විදුලි ඉංජිනේරු බල ප්රදේශයේ නීතිවිරෝධී ලෙස අයථා ක්රම මගින් විදුලිය පරිභෝජනය කළ පුද්ගලයින් එකසිය පහළොවක් නීතියේ රැහැනට කොටුකර ගනිමින් දඞුවමි පැමිණවීමට ලංකා විදුලිබල මණ්ඩලයට හැකිවී තිබේ.
ඒ අනුව ලංකා විදුලිබල මණ්ඩලයේ වැටලීමි අංශය මගින් පසුගිය සතියේ දෙදිනක් තුළ සිදුකළ වැටලීමි මගින් අයථා ක්රම මගින් විදුලිය පරිභෝජනය කළ පුද්ගලයින් 115ක් නීතිය ඉදිරියට පැමිණවීමෙන් දහඅට ලක්ෂ අනූනව දහස් පන්සිය හතළිස් දෙකක මුදලක් (රු. 1,899,542.00) උපයා ගැනීමට සමත්වී ඇති බව විදුලිබල අමාත්යාංශය අවධාරණය කරයි.
මෙම මුදලින් එකොලොස් ලක්ෂ දසදහසක් (රු.1,110,000.00)උසාවි දඩ වශයෙන්ද, රු. හත්ලක්ෂ අසූනවදහස් පන්සිය හතලිස් දෙකක මුදලක් (රු.789,542.00) ලංකා විදුලිබල මණ්ඩලයේ අලාභය වශයෙන්ද ගණන් බලා ඇති බව සඳහන් වේ.
ලංකා විදුලිබල මණ්ඩලය පසුගිය වකවානුවේ විශාල වශයෙන් පාඩු ලබන තත්ත්වයකට පත්ව තිබූ අතර, මේ වනවිට එම තත්ත්වය යමිතාක් දුරට පාලනය කිරීමට හැකිවී තිබේ. මෙවැනි අක්රමිකතා සහ දූෂණ නිසා මෙම පාඩු ලබන තත්ත්වයන් තවත් උග්රවන බව විදුලිබල හා බලශක්ති අමාත්යාංශය අවධාරණය කරයි.
ලංකා විදුලිබල මණ්ඩලය මෙහෙයුමි අලාභ නොලබන ආයතනයක් බවට පත්කිරීමට නමි අවම මිල සහිත ජනන සැලැස්මක් ක්රියාත්මක වීමට අමතරව මෙවැනි දූෂණ,අක්රමිකතා වැළැක්විය යුතු බව විදුලිබල හා බලශක්ති අමාත්ය ගරු පාඨලී චමිපික රණවක මහතා කියා සිටියි.
ආයතනය තුළ සහ ඉන් පරිබාහිරව සිදුවන සියලු අක්රමිකතා සහ දූෂණ මර්දනය කිරීමට වහාම පියවර ගන්නා ලෙස අමාත්යවරයා අදාළ අංශ දැනුවත් කර ඇති අතර වැරදිකරුවන් ලෙස හඳුනාගන්නා පුද්ගලයින්ගේ විදුලි හිමිකමි අහෝසි කිරීමටද සැලසුමි කොට තිබේ.
මෙවැනි වංචාසහගත ක්රියාවන්හි නිරතවන්නන් එයින් මුදවාලීමට සහාය වීම තුළින් 2012 වසර වනවිට මුළු දිවයිනම ආවරණය වන පරිද්දෙන් විදුලියනය 100%ක් බවට පත්කිරීමේ උදාර මෙහෙවරේ සාඩමිබර කොටස්කරුවන් වීමට ශ්රී ලංකාවාසීන්ට හැකිවන්නේයැයි විදුලිබල හා බලශක්ති අමාත්යාංශය වැඩිදුරටත් අවධාරණය කරයි.adaderana.lk
