කේ.පී දේශපාලනයට ඒම ගැටලුවක් නෙවෙයිFebruary 2, 2011 03:29 pm

ප්‍රජාතන්ත්‍රවාදී රාමුවක් තුළ කුමරන් පද්මනාදන් නොහොත් කේ.පී දේශපාලනයට පිවිසීම සම්බන්ධයෙන් එක්සත් ජාතික පක්ෂයට ගැටලුවක් නැතැයි එම පක්ෂයේ නියෝජ්‍ය නායක කරූ ජයසූරිය මහතා පවසයි.

අද(02) කොළඹ පැවති ප්‍රවෘත්ති සාකච්ඡාවක දී මාධ්‍යවේදියෙකු නැගූ පැනයකට පිළිතුරු දෙමින් කරූ ජයසූරිය මහතා මේ අදහස් පළ කළේය.

කෙසේවුවත් ඔහු එහිදී සඳහන් කළේ එකී ප්‍රජාතන්ත්‍රවාදය සියලුදෙනාටම එකසේ බලපැවැත්විය යුතු බවයි.

ත්‍රස්තවාදය සහමුලින් පරාජය කළ සරත් ෆොන්සේකා මහතා සිරගතව සිටියදී කේ.පී. වැන්නකු දේශපාලනයට ඒම තුළින් මෙරට ප්‍රජාතන්ත්‍රවාදය කුමන තැනක පවතින්නේ ද යන්න මනාව පසක් වන බව කරූ ජයසූරිය මහතා එහදී වැඩිදුරටත් කියා සිටියේය.