හපුතලේ නාය යෑමක්..!නිවාස 32 ක් අවදානම්February 2, 2011 02:07 pm

පවතින අධික වර්ෂාපතනයත් සමග හපුතලේ, දොඩම්අත්ත ග්‍රාමනිලධාරී වස‍මේ කොස්ගහකුඹුර ප්‍රදේශ‍යේ විශාල නායයෑමක් සිදුව තිබේ.

අක්කර දෙක හමාරක පමණ ප්‍රදේශයක් මෙසේ නාය ගොස් ඇති බව හපුතලේ ප්‍රාදේශීය ලේකම් ධර්මසිරි පියසේන මහතා සඳහන් කළේය.

නිවාස 5 ට පමණ බරපතල හානි සිදුව ඇති බවත් තවත් නිවාස 32 ක් පමණ දැඩි අවදානම් තත්ත්වයකට පත්ව ඇති බවත් ඔහු පෙන්වාදෙයි.

මේ හේතුවෙන් එම නිවාසවල ජනතාව ඉවත් කිරීමට කටයුතු කළ බව ද ප්‍රාදේශීය ලේකම්වරයා අද දෙරණට සඳහන් කළේය.

මේ වන විටත් එම ප්‍රදේශ‍යේ දැඩි වර්ෂාපතනයක් පවතින බැවින් මේ හේතුවෙන් නායයෑම් තත්ත්වය තවදුරටත් සක්‍රිය විය හැකි බව ඔහු වැඩිදුරටත් පැවසුවේය.