පෙට්‍රල් බද්ද අඩුවෙ

2011 ජනවාරි මස 10 වන දින සිට ක්‍රියාත්මක වන පරිදි පෙට්‍රල් ආනයනික බද්ද ලීටරයකට රු.15.00 සිට 5.00 දක්වා අඩු කිරීමට ආණ්ඩුව තීරණය කර ඇති බව ඛනිජ තෙල් කර්මාන්ත අමාත්‍යංශයේ ලේකම් ටයිටස් ජයවර්ධන මහතා පවසයි.

ලෝක වෙළඳ පොළේ තෙල් මිල ඉහළ යාමත් සමග ඉන්දු ලංකා තෙල් සමාගමත්,ලංකා ඛනිජ තෙල් සංස්ථාවත් විසින් පාඩු අවම කර ගැනීම සඳහා දේශීය වෙළඳ පොළේ මිල ඉහළ නංවන ලෙස ආණ්ඩුවෙන් ඉල්ලා තිබිණි.

‍එසේ හෙයින් දේශීය වෙළඳපොළේ පෙට්‍රල් මිලෙහි ස්ථාවරත්වය පවත්වාගෙන යාම සඳහා ආනයනික බද්ද අඩු කිරීමට තීරණය කළ බව ඛනිජ තෙල් කර්මාන්ත අමාත්‍යංශයේ ලේකම්වරයා සඳහන් කළේය.

මෙම ක්‍රියා මාර්ගය හේතුවෙන් ලෝක වෙළඳපොළේ ඛනිජ තෙල් මිල ඉහළ ගියද දේශීය වෙළඳපොළේ පෙට්‍රල් මිලෙහි ඉහළ යාමක් සිදුනොවන බවත්,ඒ අනුව දැනට පවත්නා මිලටම පෙට්‍රල් ලබා ගැනීමට පාරිභෝගිකයාට හැකිවෙන බවත් හෙතෙම වැඩිදුරටත් කියා සිටියේය.