මියගිය සහ විදේශගතවූවන් ගැන මැතිවරණයට පෙර තොරතුරු රැස්කර

ඉදිරි පළාත් පාලන මැතිවරණයට පෙර ග්‍රාම නිලධාරී කොට්ඨාශ මට්ටමින් මියගිය සහ විදේශගතවූවන් පිළිබඳ තොරතුරු රැස්කරන ලෙස මැතිවරණ කොමසාරිස්වරයා සියලු ග්‍රාම නිලධාරීවරුන් වෙත උපදෙස් ලබාදී තිබේ.

පෙබරවාරි 7 වන දා වන විට මියගිය සහ විදේශගතවූවන් පිළිබඳ තොරතුරු රැස්කළ යුතු බව මැතිවරණ මහලේකම් කාර්යාලය දැනුම් දී ඇත.

අදාළ තොරතුරු පෙබරවාරි මස 15 වැනි දිනට පෙර දිස්ත්‍රික් මැතිවරණ කාර්යාලවලට දැනුම් දිය යුතු බවට ද උපදෙස් ලබාදී තිබේ.

මැතිවරණයේදී සිදුවිය හැකි අක්‍රමිකතා වැළැක්වීම සඳහා මැතිවරණ කොමසාරිස්වරයා විසින් මෙවැනි තීරණයක් ගෙන ඇති බව සඳහන්ය.