විදේශ අමාත්‍ය මහාචාර්ය ජී. එල්. පීරිස් මහතා හා බ්‍රිතාන්‍ය ආරක්ෂක ලේකම් ලියම් ෆොක්ස් මහතා අතර විශේෂ හමුවක් පවත්වා තිබේ. සිංගප්පූරුවේ පැවැත්වෙන අන්තර්ජාතික ක්‍රමෝපාය අධ්‍යයන ආයතනයේ නව වන ආරක්ෂක මණ්ඩල රැස්වීම සඳහා සහභාගී වී සිටින අතරතුර මෙම හමුව සිදුව ඇති බව සඳහන්ය. ශ්‍රී ලංකාවේ වර්තමාන දේශපාලන වාතාවරණය සම්බන්ධයෙන් මෙහිදී දීර්ඝ වශයෙන් සාකච්ඡා වී ඇති බව විදේශ කටයුතු අමාත්‍යාංශය පවසයි.
අවතැන්වූවන් නැවත පදිංචි කිරීම් සම්බන්ධයෙන් සහ හදිසි නීති රෙගුලාසි ලිහිල් කිරීම සම්බන්ධයෙන් ජී. එල්. පීරිස් අමාත්‍යවරයා මෙහිදී ලියම් ෆොක්ස් මහතා දැනුවත් කර තිබේ. ශ්‍රි ලංකාවේ ආර්ථික සංවර්ධනය සඳහා අවශ්‍ය සහයෝගය ලබාදීමට කටයුතු කරන බව ෙමහිදී බ්‍රිතාන්‍ය ආරක්ෂක ලේකම් ලියම් ෆොක්ස් මහතා පවසා ඇත. මෙම ආරක්ෂක මණ්ඩල රැස්වීම සඳහා ශ්‍රී ලංකාව නියෝජනය කරමින් ගුවන් හමුදාපතිවරයා සහ යුද හමුදාපතිවරයා ඇතුළු පිරිසක් ද සහභාගී වී ඇත. adaderana
0 comments:
Post a Comment