ඉන්දියාවේ මැංගලෝර් ගුවන්තොටු‍පළේ සිදුවූ ගුවන් අනතුරින් මියගිය පිරිස පිළිබඳ ශ්‍රී ලංකා ජනාධිපති මහින්ද රාජපක්ෂ මහතා ශෝකය පළ කර තිබේ. එම දරුණු ගුවන් අනතුර පිළිබඳ සැලවීමෙන් තමන් සහ ශ්‍රී ලංකාවාසී ජනතාව මහත් කම්පනයට පත්වූ බව ඉන්දීය අග්‍රාමාත්‍ය ආචාර්ය මන්මෝහන් සිං මහතා වෙත ශෝක ප්‍රකාශයක් යොමු කරමින් ජනාධිපතිවරයා සඳහන් කර ඇත.
එම අනතුරින් මියගිය පුද්ගලයින්ගේ පවුල් වෙත ශ්‍රී ලංකාවාසී ජනතාව වෙනුවෙන් තමන් කණගාටුව පළ කරන බව ජනාධිපතිවරයා පවසයි. සිද්ධියෙන් තුවාල ලැබූවන් වෙනුවෙන් ඉක්මන් සුවය ප්‍රාර්ථනා කරන බව ද ජනාධිපති මහින්ද රාජපක්ෂ මහතා වැඩිදුරටත් ප්‍රකාශ කර ඇත. adaderana
0 comments:
Post a Comment