![](https://blogger.googleusercontent.com/img/b/R29vZ2xl/AVvXsEiahZtTaVQLriMCHJgbcEQdjmQTxXWUfgW-D8aTaeauZk9W0NCCk7iEu4Omw7PFu70FJfcwSugKWY_hVJRhHoAP_mDsXAr5ZHYxa5DiUHYpGrDU6Xo3c4j_q5QYSyEiMiYETnRbajVo_L-_/s320/vehi.jpg)
රථ වාහන සඳහා ඉංග්රීසි අකුරු 3 අංක තහඩු හඳුන්වා දීමේ වැඩසටහනක් කඩිනමින් හඳුන්වා දීමට පියවර ගන්නා බව ප්රවාහන අමාත්යාංශය පවසයි. ඒ අනුව තවත් නොබෝ දිනකින් නව වාහන අංක සඳහා ඉංග්රීසි අකුරු 3 ක් සහිත අංකයක් හඳුන්වා දෙන බව මෝටර් රථ ප්රවාහන කොමසාරිස් දෙපාර්තමේන්තුව සඳහන් කරයි.
2000 වසරේ දී"ජී.ඒ"කාණ්ඩයෙන් ආරම්භ කළ අංක මේ වන විට අවසන් වී තිබීම නව වැඩපිළිවෙල කඩිනම් කිරීමට හේතු වී ඇති බව සඳහන්ය. අදාළ වැඩපිළිවෙල සම්බන්ධයෙන් සොයා බැලීම සඳහා ප්රවාහන අමාත්ය කුමාර වෙල්ගම මහතා ඊයේ මෝටර් රථ ප්රවාහන කොමසාරිස් දෙපාර්තමේන්තුව වෙත ගොස් ඇති අතර එහි දී අදාළ කටයුතු සම්බන්ධයෙන් නිලධාරීන්ට උපදෙස් ලබා දී තිබේ. මහජනතාවගේ විවේචනයන්ට භාජනය නොවන පරිදි ක්රමවත් සහ කාර්යක්ෂම සේවයක් ලබා දීමට කටයුතු කළ යුතු බව අමාත්යවරයා සඳහන් කර ඇත. adaderana
0 comments:
Post a Comment