අවතැන් වූ කඳවුරුවල සහ යුද්ධයෙන් විපතට පත්වූ ළමුන්ගේ සුභසාධනය වෙනුවෙන් රජය වැඩි අවධානයක් යොමු කරන බව ළමා සංවර්ධන හා කාන්තා කටයුතු නියෝජ්‍ය අමාත්‍ය එම්.එල්.ඒ.එම්. හිස්බුල්ලා මහතා පවසයි.
උතුරු සහ නැගෙනහිර පළාත්වල ළමුන්ගේ ජීවිත පසුගිය දශක තුනක කාලය තුළ අනතුරකට ලක්වූ බව ඔහු පෙන්වා දෙයි. යුද්ධය හේතුවෙන් ආබාධිත වූ මෙන්ම මව්පියන් අහිමි වූ දරුවන් දහස් ගණනක් එම පළාත්වල සිටින බව නියෝජ්‍ය අමාත්‍යවරය‍ා සඳහන් කළේය.
එම දරුවන් වෙනුවෙන් විධිමත් අධ්‍යාපනයක් මෙන්ම යහපත් අනාගතයක් සකස් කිරීම සඳහා විශේෂ අවධානයක් යොමු කරන බව හිස්බුල්ලා මහතා මඩකලපුව ප්‍රදේශයේ පැවති රැස්වීමක් අමතමින් ප්‍රකාශ කළේය. adaderana
0 comments:
Post a Comment