ශ්‍රී ලංකාවේ යුධ ගැටුම් පැවති කාල සීමාව තුළ සිවිල් ඝාතන සිදුවූ බවට චෝදනා කරමින් ලෝක අවධානයට ලක්වූ වෛද්‍යවරයෙකු වන 40 හැවිරිදි වීරකතිපිලෙයි ෂන්මුගරාජ් නම් පුද්ගලයා මෙවර මහ මැතිවරණය සඳහා මහින්ද රාජපක්ෂ මහතාට සහය දක්වන ද්‍රවිඩ දේශපාලන පක්ෂයක් යටතේ තරග වදින බව වාර්තා වේ. වසර 30 ක් තිස්සේ පැවති යුධ ගැටුම් අවසන් වූ පසු මෙරට සංවර්ධනය කිරීම සඳහා හැකියාව ඇති එකම පුද්ගලයා ජනාධිපති මහින්ද රාජපක්ෂ මහතා බවත්, එම නිසා තමන් ඔහු වෙත සහය දැක්වීමට තීරණය කළ බවත් ෂන්මුගරාජ් පවසයි.
නැගෙනහිර වන්නි ප්‍රදේශයේ එල්. ටී. ටී. ඊ සංවිධානය හා ශ්‍රී ලංකා යුධ හමුදාව අතර යුධ ගැටුම් පැවති අවසන් මාස හතරක කාල සීමාව තුළ සාමාන්‍ය සිවිල් වැසියන් 7000ක පමණ ප්‍රමාණයකට හානි සිදුවූ බව එක්සත් ජාතීන්ගේ සංවිධානය පැවසීය. ඔවුන් එම සංඛ්‍යාත්මක තොරතුරු ඉදිරිපත් කළේ යුද්ධය පැවති ප්‍රදේශ වල සිටි වෛද්‍යවරුන් ඉදිරිපත් කළ තොරතුරු ඇසුරිනි. යුද්ධය පැවති අවසන් මාස කිහිපය තුළ 350 -400ත් අතර සිවිල් ජන සංඛ්‍යාවක් ඝාතනය වී ඇති බව මෙම වෛද්‍යවරුන් සඳහන් කර තිබුණි. ෂන්මුගරාජ් ඇතුළු අනෙකුත් වෛද්‍යවරුන් යුධ හමුදා රැඳවුම් භාරයේ සිටියදී ප්‍රකාශ කර තිබුණේ ඔවුන් එවැනි දත්ත ඉදිරිපත් කළේ ඔවුන්ට තර්ජන පැවති නිසා බවය. පසුව මෙම වෛද්‍යවරුන් පිරිස නිදහස් කළ අතර නැවත ඔවුන්ගේ රැකියා ද හිමිවිය.
වීරකතිපිලෙයි ෂන්මුගරාජ් යුද්ධය පැවති කාල සීමාව තුළ යුද්ධයෙන් තුවාල ලත් එල්. ටී. ටී. ඊ සාමාජිකයින් බොහෝ පිරිසකට ප්‍රතිකාර කර ඇත. එමෙන්ම ඔහු යුධමය සංවිධානයක්ව පැවති නමුත් දැනට ජනාධිපති මහින්ද රාජපක්ෂ මහතාට සහය දක්වන ඒරෝස්(EROS) සංවිධානයේ මැතිවරණ අපේක්ෂකයෙකි.adaderana
0 comments:
Post a Comment