දේශපාලනඥයින් මේ රට විනාශ කරමින් සිටින බවත්,කිසිවෙකුටත් මේ රට ගොඩනැඟීමට සැබෑ වුවමනාවක් නැති බවත් මැතිවරණ කොමසාරිස් දයානන්ද දිශානායක මහතා පවසයි.
දැනට පවතින මැතිවරණ ක්‍රමයේ අඩු පාඩු රැසක් පැවතිය ද එය සංශෝධනය කිරීම සඳහා ද අද සිටින කිසිදු දේශපාලනඥයෙකුට වුවමනාවක් නොමැති බව ද හෙතෙම කියා සිටියේය.
ඉදිරි මහ මැතිරණයට පෙර තමන් කිසිදු ප්‍රවෘත්ති සාකච්ඡාවක් නොපවත්වන බව මැතිවරණ කොමසාරිස් දයානන්ද දිශානායක මහතා පැවසීය.
එවැනි ප්‍රවෘත්ති සාකච්ඡා වලදී තමන් සිදුකරන ප්‍රකාශ වලට ඇතැම් මාධ්‍ය වැරදි අර්ථකථන ලබාදෙන අතර ඒවා නිවැරදි කිරීම සඳහා මැතිවරණයට පෙර තමන්ට කාලයක් නොලැබෙන බව මැතිවරණ කොමසාරිස්වරයා සඳහන් කළේය.
මේ හේතුවෙන් මෙවර මැතිවරණයට පෙර ප්‍රවෘත්ති සාකච්ඡා නොපැවැත්වීමට තීරණය කළ බව මැතිවරණ ප්‍රතිඵල විකාශන කටයුතු සම්බන්ධයෙන් මාධ්‍ය ආයතන සමග අද පැවති සාකච්ඡාවකදී කොමසාරිස්වරයා අවධාරණය කළේය. adaderana
0 comments:
Post a Comment