මෙවර මහ මැතිවරණයේදී මැතිවරණ පවත්වන දිනයේදී ඡන්ද ගණන් කිරීමේ මධ්‍යස්ථාන වලට නිරීක්ෂකයින්ට ඇතුළු වීමට අවසර ලබා දී ඇති බව ෆැපරල් ආයතනයේ විධායක අධ්‍යක්ෂ රෝහණ හෙට්ටිආරච්චි මහතා පවසයි.
ෆැපරල් ආයතනය මැතිවරණ කොමසාරිස්වරයාගෙන් කරන ලද ඉල්ලීමක ප්‍රතිඵලයක් ලෙස මෙම අවසරය ලබා දී ඇති බව සඳහන් වේ. මැතිවරණ නිරීක්ෂකයින්ට නිරීක්ෂණය සඳහා මේ වන තෙක් අවසර ලබා දී තිබුණේ ඡන්ද මධ්‍යස්ථාන හා ඡන්ද පෙට්ටි ප්‍රවාහනය සිදුකරන තෙක් වන කටයුතු පමණි.
එසේ වුවද මෙවර මැතිවරණයේදී ගණන් කිරීමේ ඡන්ද මධ්‍ය්ස්ථාන කිහිපයකට සහ අවසන් ප්‍රතිඵල නිකුත් කරන අවස්ථාවන් නිරීක්ෂණය කිරීමට මැතිවරණ නිරීක්ෂකයන්ට අවසර ලබා දී ඇති බව විධායක අධ්‍යක්ෂවරයා වැඩිදුරටත් කියා සිටියේය. adaderana
0 comments:
Post a Comment