එක්සත් ජාතීන්ගේ මහලේකම් බැන්කි මූන් මහතා පත්කර ඇති උපදේශක මණ්ඩලය මෙරට ස්වාධීනත්වයට තර්ජනයක් විය හැකි බව දේශප්‍රේමී භික්ෂු පෙරමුණ පවසයි. අදාළ උපදේශක මණ්ඩලය පත්කිරීම එක්සත් ජාතීන්ගේ සංවිධානය විසින් ගනු ලැබූ තීරණයක් නොවන බව නිවේදනයක් නිකුත් කරන එම පෙරමුණේ ලේකම් පූජ්‍ය බෙංගමුවේ නාලක හිමියන් සඳහන් කරයි. එය හුදෙක් බැන්කි මූන් මහතාගේ උවමනාව මත පමණක් පත්කරනු ලැබූවක් බව දේශප්‍රේමී භික්ෂු පෙරමුණ පෙන්වාදෙයි.
බොහෝ බටහිර රටවල ප්‍රයත්නය වී ඇත්තේ උපදෙස් දෙන මුවාවෙන් ශ්‍රී ලංකාව වැනි මහා සංස්කෘතියක් ඇති රටවල නැගී සිටීම අඩපණ කිරීම බව එම පෙරමුණ පෙන්වාදෙයි. මේ හේතුවෙන් දේශමාමක සියලු දෙනාගේ වගකීම වන්නේ මේ අවස්ථාවේ දී එක්ව නැගී සිටිමින් අදාළ උපදේශන මණ්ඩලයට විරෝධතාව දැක්වීම බව දේශප්‍රේමී භික්ෂු පෙරමුණ වැඩිදුරටත් අවධාරණය කරයි. adaderana
0 comments:
Post a Comment