විමල් වීරවංශ මහතා ගෙනගිය මාරාන්තික උපවාසය අවසානයේදී කළ යුතු දෙය මුලින්ම සිදුකිරීමක් බව ප්‍රජාතන්ත්‍රවාදී ජාතික සන්ධානයේ පාර්ලිමේන්තු මන්ත්‍රී විජිත හේරත් මහතා පවසයි. වීරවංශ මහතා විසින් ගෙනගිය උපවාසය තුළින් සිදුවූයේ ශ්‍රී ලංකාව හා ජනතාව අප්‍රසාදයට පත්වීම පමණක් බව ද ඒ මහතා අවධාරණය කරයි. ඔහු විරෝධය දැක් වූ ආකාරය නිවැරදි නොවන බවත්, ඒ සඳහා නියමිත ක්‍රමයක් පවතින බවත් විජිත හේරත් මහතා පෙන්වාදෙයි.
එය පහළ මට්ටමේ සිට ඉහළ දක්වා ගමන් කළ යුතු බවත්, නමුත් විමල් වීරවංශ මහතාගේ මාරාන්තික උපවාසය තුළින් විරෝධතාවයේ අවසන් කොටස මුලින් ආරම්භ කර ඇති බවත් පාර්ලිමේන්තු මන්ත්‍රීවරයා සඳහන් කරයි. ඒ අනුව එම ක්‍රියා මාර්ගය තුළින් එක්සත් ජාතීන්ගේ කමිටුවට තවදුරටත් ඉඩ ලබා දී ඇති බවට විජිත හේරත් මහතා චෝදනා කරයි. ඒ මහතා මේ අදහස් පළ කළේ අද කොළඹ පැවති මාධ්‍ය හමුවකදීය. adaderana
0 comments:
Post a Comment