රංගේගේ ප්‍රහාරකයන් 23 දක්වා රිමාන්ඩ්

හිටපු පාර්ලිමේන්තු මන්ත්‍රී පාලිත රංගේ බණ්ඩාර මහතාට පහර දුන් බවට චෝදනා ලැබූ සැකකරුවන් අප්‍රේල් මස 23 වන දින දක්වා රක්ෂිත බන්ධනාගාර ගත කරන ලෙස හලාවත දිසාවිනිසුරු විසින් මීට ස්වල්ප මොහොතකට පෙර නියෝග කර තිබේ.
පුත්තලම දිස්ත්‍රීක් හිටපු පාර්ලිමේන්තු මන්ත්‍රී පාලිත රංගේ බණඩාර මහතාට පහර දුන් බව කියන ප්‍රධාන සැකකරු ප්‍රමුඛ පස් දෙනෙකු අත්අඩංගුවට ගෙන පොලීසිය විසින් අද අධිකරණයට ඉදිරිපත් කරනු ලැබිණි.
අත්අඩංගුවට පත් සැකකරුවන් අත තිබී රංගේ බණ්ඩාර මහතාගේ ආරක්ෂාවට සිටි පොලිස් නිලධාරියාගෙන් කොල්ල කන ලද ටී.56 වර්ගයේ ගිනි අවියද සොයා ගැනීමට හැකිවී තිබුණි.
සැකකරුවන් ගමන් ගත් අංක 32-6999 දරණ ජීප් රථය ද අත්අඩංගුවට ගන්නට හැකි වූ බව පොලිස් මූලස්ථානය නිකුත් කළ නිවේදනයක සඳහන් විය. adaderqana