මහනුවර, නාවලපිටිය ඡන්ද බල ප්රදේශයේ සිදුවූ දූෂණ හා ප්‍රචණ්ඩ ක්‍රියා සම්බන්ධයෙන් එක්සත් ජනතා නිදහස් සන්ධාන විනය කමිටු වාර්තාව හෙට දිනය තුළ සකස් කර අවසන් කරන බව එම කමිටුවේ ප්‍රධානී ඩබ්ලිව්.ජේ. කරුණාජීව මහතා පවසයි.
මේ වන විට ඒ සඳහා වූ සියලු පරීක්ෂණ කටයුතු අවසන් කර ඇති බව කරුණාජීව මහතා අද දෙරණට සඳහන් කළේය.
පසුගිය අප්‍රේල් 8 වනදා පැවති පාර්ලිමේන්තු මැතිවරණයේ දී නාවලපිටිය ඡන්ද බල ප්රදේශයේ සිදු වූ ඡන්ද අක්‍රමිකතා හේතුවෙන් එම ඡන්ද කොට්ඨාසයේ ඡන්දය ශුන්‍ය කරනු ලැබිණි.
එම ඡන්ද අක්‍රමිකතා සොයා බැලීම සඳහා ජනාධිපති මහින්ද රාජපක්ෂ මහතා විසින් විශේෂ කණ්ඩායමක් පත් කළ අතර ඔවුන්ගේ පරීක්ෂණ කටයුතු මේ වන විට අවසන් කර ඇති බව වාර්තා වේ.
ඒ වාර්තාව හෙට දිනය තුළ සකස් කර අවසන් කරන බවත් ජනාධිපතිවරයා දැනුම් දෙන දිනක එය භාර දීමට සූදානම් බවත් කරණාජීව මහතා වැඩිදුරටත් සඳහන් කර සිටියේය. adaderana
0 comments:
Post a Comment