![](https://blogger.googleusercontent.com/img/b/R29vZ2xl/AVvXsEhXf2UBaRoQLuvUxaazM_cvsfJazLDL5PExZNL6LViTkZu4JmCTUE8eRmpgELuvZG4R6Qg6U3y47bvD-xGCLcI1Z8AL4YoWSFlfloUcNLFO5q5rrlkNyP73Ppcpyme1fU-btfYTB62QJt2O/s320/praba&parents.jpg)
මැලේසියාවේ සිට ඊයේ ලංකාවට පැමිණි කොටි සංවිධානයේ හිටපු නායක වේලුපිල්ලේ ප්රභාකරන්ගේ මව වන පාර්වති මහත්මියට වෛද්ය ප්රතිකාර සදහා තමිල්නාඩුවට පැමිණීමට ඉන්දීය රජය වීසා නිකුත් කර ඇත. මේ සම්බන්ධයෙන් තොරතුරු වාර්තා කර ඇති රොයිටර් පුවත් සේවය පවසන්නේ ඇයට ඉන්දියාව විසින් වීසා ලබාදීම වෙනුවෙන් කොන්දේසි කිහිපයක් නිකුත් කර ඇති බවයි. පාර්වතී මහත්මිය වෙනුවෙන් කොන්දේසි සහිත වීසා නිකුත් කිරීමට ඉන්දීය රජය ගත් තීරණය පිළිබඳව තමිල්නාඩු ප්රධාන අමාත්ය එම්.කරුණානිධි මහතා ද අදහස් දක්වා ඇත.
ඉන්දියාව විසින් පාර්වතී මහත්මිය වෙනුවෙන් නිකුත් කර ඇති කොන්දේසි අතර ඇය වෛද්ය ප්රතිකාර ගත යුත්තේ රජයේ රෝහලකින් බවත්, එය ද මාස 06 කට සීමා වන බවත්, ප්රතිකාර ගන්නා කාලසීමාව තුළ ඇය රෝහල තුළම රැඳී සිටිය යුතු බවත් දක්වා ඇත. එමෙන්ම මෙම කාලසීමාව තුළ මාධ්යවේදීන්, දේශපාලඥයින් හමුනොවීම, තෝරාගත් පිරිසකට පමණක් ඇයව හමුවීමට අවස්ථාව ලබාදීම යනාදියද ඇතුළත්ය.
පසුගිය කාලය පුරා මැලේසියාවේ ජීවත් වූ 80 හැවිරිදි ප්රභාකරන්ගේ මව ඊයේ ශ්රී ලංකාවට ගෙනැවිත් ඇත්තේ දෙමළ ජාතික සන්ධානයේ හිටපු පාර්ලිමේන්තු මන්ත්රී කේ.සිවාජිලිංගම් මහතාය. lankatruth
0 comments:
Post a Comment