නුවරඑළිය දිස්ත්‍රික්කයේ මැතිවරණ ප්‍රචණ්ඩ ක්‍රියාවන් පාලනය කිරීම සඳහා පොලිස් විශේෂ කාර්ය බලකාය කැඳවීමට තීරණය කර ඇති බව නුවරඑළිය දිස්ත්‍රික් ලේකම් ඩී.පී.ජී කුමාරසිරි මහතා පවසයි.
දේශපාලන පක්ෂ හා අපේක්ෂකයින් අතර දරුණු ප්‍රචණ්ඩත්වයක් මේ වන විට නිර්මාණය වී ඇති බව අද දෙරණ වෙත විශේෂ ප්‍රකාශයක් කරමින් ඒ මහතා සඳහන් කළේය.
මේ සම්බන්ධයෙන් දිස්ත්‍රික් සහකාර මැතිවරණ කොමසාරිස් වරයා සහ මැතිවරණ කටයුතු භාර ජ්‍යෙෂ්ඨ නි‍යෝජ්‍ය පොලිස්පති ගාමීණි නවරත්න මහතා සමඟ ද තමන් සාකච්ඡා කළ බව නුවරඑළිය දිස්ත්‍රික් ලේකම්වරයා කියා සිටියේය.
ඒ අනුව පොලිස් විශේෂ කාර්ය බලකායේ ජංගම රථ දිස්ත්‍රික්කය පුරා යෙදවීමට සැලසුම් කර ඇති බව ඩී.පී.ජී කුමාරසිරි මහතා වැඩිදුරටත් සඳහන් කළේය. adaderana
0 comments:
Post a Comment