ශ්‍රී ලාංකේය කාන්තා පරපුර වෙනුවෙන් වත්මන් රජය ලබාදුන් ඉහළම ත්‍යාගය ත්‍රස්තවාදය මාතෘ භූමියෙන් මුලිනුපුටා දැමීම බව ජනාධිපති මහින්ද රාජපක්ෂ මහතා පවසයි.
ජනාධිපතිවරයා පෙන්වා දෙන්නේ දශක තුනක් පුරා මෙරට කාන්තාව පීඩාවට පත් කළ ත්‍රස්තවාදය කෙටි කලක් තුළ පරාජය කිරීමට රජයට හැකි වූ බවයි.
මත් උවදුරට ද තිත තබමින් කාන්තාව වෙනුවෙන් විශාල වැඩකොටසක් ඉටුකිරීමට පසුගිය සිව් වසර තුළ තම රජයට හැකි වු බව ජනාධිපතිවරයා කියා සිටියි.
ජනාධිපති මහින්ද රාජපක්ෂ මහතා මේ අදහස් පළ කරනු ලැබුවේ ජගත් කාන්තා දිනය නිමිත්තෙන් හම්බන්තොට සිරිබෝපුර පැවති උත්සවයට සහභාගි වෙමිනි.
පාර්ලිමේන්තුව තුළ කාන්තා නියෝජනය ඉහළ නංවමින් රට සංවර්ධනයටත් , සදාචාරවත් රටක් ගොඩනැගීමේ කාර්යයටත් කාන්තා දායකත්වය වැඩි වශයෙන් ලබාගන්නා බව ජනාධිපතිවරයා මෙහිදි සඳහන් කළේය.ada
0 comments:
Post a Comment