සෝමාලියානු මුහුදු කොල්ලකරුවන්ගේ අත්අඩංගුවේ සිටින ශ්‍රී ලාංකිකයන් 13 දෙනා නිදහස් කර ගැනීමට අදාළ නෞකාව අයත් සමාගම සහ කොල්ලකරුවන් අතර සාකච්ඡා ආරම්භ කර තිබේ.
අත්අඩංගුවේ පසුවන ශ්‍රී ලාංකිකයන් පිරිස නිදහස් කිරීමට ඩොලර් මිලියන 20ක කප්පම් මුදලක් ගෙවිය යුතු බව කොල්ලකරුවන් විසින් පසුගියදා ප්‍රකාශ කර තිබුණි.
මේ සම්බන්ධයෙන් කොල්ලකරුවන් සහ නෞකාව අයත් සමාගමේ නිලධාරීන් සාකච්ඡා කරනු ඇති බව සඳහන් වේ. ශ්‍රී ලාංකිකයන් පිරිස කොල්ලකරුවන්ගේ ග්‍රහණයට ලක්ව දැනට සති තුනකට ආසන්න කාලයක් ගතවී තිබේ.
කෙසේ වුවද ඔවුන්ගේ සෞඛ්‍ය තත්ත්වය යහපත් බව වාර්තා වන අතර ජාත්‍යන්තර රතු කුරුස කමිටුවේ සාමාජිකයන්ට ද නෞකාවට ඇතුළු වීමට කොල්ලකරුවන් අවසර දී තිබුණු බව වාර්තා විය. adaderana
0 comments:
Post a Comment