![](https://blogger.googleusercontent.com/img/b/R29vZ2xl/AVvXsEjkDsExQHVocdVhkvQ4I8TCAx7hiOtYIithKQxgSKoYZIWhODOgDP1pbZ3AZENhboSl4CugVDU0GNGdIJaT_CTeMTUxyw3zJxFli5txE9_BrWZBZtXK8uO_eqD1WzdznhqteubRKwGihrjY/s320/ea.jpg)
ගෘහ සේවය සඳහා ලෙබනනයට ගොස් සිටි ශ්රී ලාංකික කාන්තාවක මිය යාමේ සිද්ධියක් සම්බන්ධයෙන් විශේෂ පරීක්ෂණයක් පැවැත්වෙන බව විදේශ සේවා නියුක්ති කාර්යාංශය පවසයි.
එම කාර්යාංශයේ අතිරේක සාමාන්යාධිකාරී එල්.කේ.රුහුණගේ මහතා පවසන පරිදි ලෙබනන් පොලිසිය සමග මේ පිළිබඳ පරීක්ෂණ පවත්වන ලෙස එරට තානාපති අංශ දැනුවත් කර ඇත. මෙලෙස මියගොස් ඇත්තේ දංකොටුව ප්රදේශයේ පදිංචිකාරියක වන 30 හැවිරිදි කාන්තාවකි.
එම කාන්තාව තමන් ගෘහ සේවයේ යෙදී සිටි නිවසේ නිවැසියන් විසින් රැකියා ඒජන්සිය වෙත යොමු කර ඇති අතර අදාළ ඒජන්සියේ ගොඩනැඟිල්ල මතින් බිමට පැන දිවි හානී කරගෙන ඇති බවට වාර්තා වන බව විදේශ සේවා නියුක්ති කාර්යාංශය පවසයි.
ඇගේ දේහය මෙරටට ගෙන ඒම සඳහා ද කටයුතු සිදුකෙරෙමින් පවතින බව රුහුණගේ මහතා පැවසීය.
අදාළ ලෙබනන් ඒජන්සිය තාවකාලිකව ශ්රී ලංකාව තුළ අත්හිටුවීමට ද කටයුතු කර ඇති බව ඔහු වැඩිදුරටත් පැවසුවේය.adaderana
0 comments:
Post a Comment