![](https://blogger.googleusercontent.com/img/b/R29vZ2xl/AVvXsEjocVly9H5TieIz0x0Ve9K8eb2OwYg5zdX9MFD0mGFQI7r4xuPZmxOVdVUd-Bchm-jehXiidLUXthX8SJ9HtSdFJmNF0k0C6QT-UwxQ_tBHEAe9BdLdjcLU3e3CMEL6oQFLh_N8xkDEBJWv/s320/sss.jpg)
ත්රෛනිකායික මහ නාහිමිවරුන් විසින් කැඳවන ලද මහා සංඝ සමුළුව ආරක්ෂාව පිළිබඳ ගැටලුවක් මතුවීමෙන් කල් දමන්නට සිදුවූයේ ආණ්ඩුවේ තර්ජන නිසා බව එ.ජා.ප මහ ලේකම් තිස්ස අත්තනායක මහතා පවසයි.
රජයට හිතවත් බෞද්ධ හිමිනමක් ඇතුළු රජයේ නියෝජ්ය ඇමතිවරුන් දෙදෙනෙකු සඟ සමුළුව කැඳවුවහොත් මහ මළුව අබියස බෝම්බ පුපුරවන බවටත්,පන්සල් වලට පවා පහර දෙන තත්ත්වයක් නිර්මාණය කරන බවටත් තර්ජනය කර තිබීම හේතුවෙන් සඟ සමුළුව කල් දැමීමට සිදුවූ බව හෙතෙම කියා සිටියි.
තමන්ට තර්ජන එල්ලවීම නිසා ආරක්ෂාව සම්බන්ධයෙන් ගැටලුවක් පැන නැඟී ඇති බැවින් සමුළුව කල් දමන්නට සිදු වු බව මහ නායක හිමිවරුන් පවා පිළිගෙන ඇති බවද මහ ලේකම්වරයා පෙන්වා දුන්නේ අද කොළඹ පැවති මාධ්ය හමුවකදීය.
එක්සත් ජාතික පක්ෂය සහ ජනතා විමුක්ති පෙරමුණ සංඝභේදය ඇති කරන්නට කටයුතු කරන බවට ආණ්ඩු පක්ෂයෙන් චෝදනා එල්ල කිරීම තමන් තරයේ ප්රතික්ෂේප කරන බවත්,මහ නායක හිමිවරුන් සඟ සමුළුව කැඳවූයේ දේශපාලන අරමුණු වලින් තොරව බවද වැඩිදුරටත් කියා සිටියේය.
0 comments:
Post a Comment