![](https://blogger.googleusercontent.com/img/b/R29vZ2xl/AVvXsEjDAYQrkr_fUz0H8dL5Mt4iNQ2Rn1K-CNt0YqveefYu7RvN2zzsp5HKGY0gRfzH3UBc6KENK57RC4evPj8xug0XAsHhV30i5jSYPaBXTNT3iejbnLKqOsJgVo6pfE4CSjJEnVC0_xxe1oHE/s320/ppp.jpg)
ජනතා විමුක්ති පෙරමුණු පාලනය යටතේ පවතින තිස්සමහාරාම ප්රාදේශීය සභාවේ සභාපතිවරයාගේ තනතුර අත්හිටුවීමට එරෙහිව ගොනු කෙරුණු පෙත්සමක් විභාග කිරීමට අභියාචනාධිකරණය අවසර ලබාදී තිබේ.
අදාළ ප්රාදේශීය සභාවේ සභාපති එච්.එල්.ජයසිරි මහතා ඉදිරිපත් කළ පෙත්සමක් සලකා බැලීමෙන් පසු මැයි මස 5 වැනිදා මේ පිළිබඳ කරුණු දක්වන ලෙස දකුණු පළාත් ප්රධාන අමාත්යවරයා ඇතුළු නිලධාරීන්ට නොතීසි ද නිකුත් කෙරුණි. ජනාධිපතිවරණ සමයේ දී එක්සත් ජනතා නිදහස් සන්ධාන දේශපාලන රැස්වීමක් පැවැත්වීම සඳහා දෙබරවැව ක්රීඩාංගණය ලබා දීමට ප්රාදේශීය සභාවේ සභාපතිවරයා අවසර නොදීම හේතුවෙන් පළිගැනීමක් ලෙස තනතුර අත්හිටුවා ඇති බව පෙත්සමෙන් ප්රකාශ කර ඇත. එම තනතුර අත්හිටුවීමට පෙර පරීක්ෂණයක් පවත්වා නොමැති අතර එබැවින් මෙම අත්හිටුවීම නීතිවිරෝධී යැයි ප්රකාශ කරන ලෙස ඉල්ලා පෙත්සම ගොනු කර තිබේ. adaderana
0 comments:
Post a Comment